“Əvvəlcə onu deyim ki, Mahiri bu qədər gündəmə gətirmək lazım deyil. Azərbaycan mediası ancaq ondan yazır, onu gündəmdə saxlayır. Heç şübhəsiz, burda yazılanları Polşada da oxuyurlar. İmkan verin, futbol oynasın. O ki qaldı Mahirin başına gələnlərə, hadisələrin içində olmadığımızdan əminliklə nəsə söyləmək qeyri-mümkündü. Hər şey Mahir dediyi kimidisə, fikrimcə, futbolçu düz edib kluba qayıtmaq istəmir. Polşalı azarkeşlər, doğrudan da, çox aqressivdilər. Onları skinhedlərə də bənzətmək olar. Bəzən nəticədən narazı qalanda qarşılarına çıxan hər şeyi dağıdırlar. “Legiya” ötənilki çempiondu, fanatları komandanın cari mövsümdəki nəticələrindən narazıdılar. Onlar sevimli komandalarını sonuncu yerdə görməyə öyrəşməyiblər. Ancaq onların futbolçulara hücum etməsi yolverilməzdi. Necə olur-olsun, futbolçuya, legionerə fiziki təzyiq göstərmək düzgün deyil. Belə hal yaşanıbsa, ilk növbədə günahkar klub rəhbərliyidi. Rəhbərlik belə şəraitin yaranmasına imkan verməməliydi. Amma yenə deyirəm, polşalı azarkeşlər çox aqressivdilər. Mahir Polşanın başqa klubuna keçsə belə, “Legiya”nın fanatları ondan əl çəkməyəcəklər. Harda görsələr, çalışacaqlar onu “sındırsınlar”. Bütün bunları nəzərə alıb, Mahirə Polşada qalmağı məsləhət gömürəm. Emreli potensialına görə Avropanın başqa çempionatlarında rahat oynaya bilər”.