Bu gün - 16 yanvar 2021-ci il Tovuzda Futbol Akademiyasının yaranma günüdü.

2Football-plus.az" saytının məlumatına görə, bu haqda klub rəsmi "feysbuk" səhifəsində xəbər yayıb. 1 il öncə, Tovuzda “Turan Tovuz” klubunun nəzdində Futbol Akademiyasının açılışı keçirilib. Tədbirdə AFFA-nın prezidenti Rövnəq Abdullayev, Tovuz Rayon İcra Hakimiyyətinin başçısı Məmməd Məmmədov, AFFA-nın icraçı vitse-prezidenti Elxan Məmmədov, Qərb Regional Futbol Federasiyasının prezidenti Nadir Nəbiyev və “Turan Tovuz” klubunun İdarə Heyətinin sədri Oqtay Abdullayev iştirak ediblər.

Xatırladaq ki, AFFA-nın İcraiyyə Komitəsinin 4 mart 2019-cu il tarixində keçirilən iclasında Tovuz rayonunda, “Turan Tovuz” klubunun nəzdində Futbol Akademiyasının təsis edilməsi və inşa olunması barədə qərar qəbul olunub.. Qısa müddətdə FIFA və UEFA-nın maliyyə dəstəyi ilə AFFA tərəfəndən inşa olunan Akademiyanın tikintisi başa çatdırılıb.

Hazırda akademiyada U-6-9-dan U-17-dək 9 yaş qrupu üzrə komandalar yarışlarda iştirak edir. Ümumilikdə 180 futbolçunun yetişməsi və inkişafı üçün 16 məşqçi çalışır. Müvafiq yaş qrupları üzrə Azərbaycan Milli komandalarında akademiyanın 5 futbolçusu çıxış edir.

Hazırda seleksiya işləri davam etdirilir.