AFFA-nın Futbol akademiyasında UEFA-nın C kateqoriyalı məşqçi kursunun birinci mərhələsinə start verilib.

"Football-plus.az" saytının məlumatına görə, yanvarın 13-dək davam edəcək məşğələlər təlimatçılar İlham Əzizzadə, Vüqar Əsgərli və Zamir Həsənovun iştirakı ilə keçirilir. Kursun ikinci mərhələsi 24-27 yanvar, üçüncü mərhələsi 7-10 fevral, dördüncü mərhələsi isə 21-25 fevral tarixlərində keçiriləcək.

Qeyd edək ki, UEFA C kursu ilk dəfədi ölkəmizdə təşkil olunur.