A seriyasında ikinci dövrənin ilk turunun 4 oyunu baş tutmadı.
Buna bir sıra komandalarda koronavirusa yoluxma hallarının daha geniş yayılması səbəb oldu. “İnter”in “Bolonya” ilə səfər oyunu da baş tutmadı. Milan klubunun baş direktoru Cüzeppe Marotta maraqlı təkliflə çıxış edib:
“Bolonya”nın komanda halında karantinə alınması kimi halların gələcəkdə baş verməməsi üçün peyvəndləmənin məcburi proses olacağına ümid edirəm. Həkimlər buster dozası sayəsində koronavirusa yoluxmanın ciddi fəsadlarından böyük ölçüdə qurtulmağın mümkün olduğunu deyirlər. Buster dozası idmançılar üçün məcburi olmalıdı. Ona görə ki, bu peyvənd virusun zərər riskini və karantində qalma çərçivəsini məhdudlaşdırır”.