“Çelsi”nin yarımmüdafiəçisi Hakim Ziyeş milli komandadan növbəti dəfə kənarda qalıb.

O, tezliklə start götürəcək Afrika Millətlər Kubokunda iştirak etməyəcək. Buna səbəb onunla Mərakeş yığmasının baş məşqçisi Vahid Həlilhociç arasındakı münasibətlərin pozulmasıdı. 28 yaşlı futbolçu ilə çalışdırıcı ötən ilin sentyabrında münaqişə yaşamışdılar.

Hakim həmin hadisədən sonra zədəli olduğunu bəhanə gətirərək milli komandada məşq etmək və oynamaqdan imtina etmişdi. Bu səbəbdən baş məşqçi onun adını qitə çempionatı üçün iştirak ərizəsinə salmayıb. Qeyd edək ki, Ziyeş milli formada sonuncu dəfə ötən ilin iyununda görünüb və komandanın son 10 oyunu onsuz keçib.