Meyvezer Dubayda rinqə çıxacaq
Beş çəki dərəcəsində sabiq dünya çempionu Floyd Meyvezer fevralın 20-də Dubayda sərgi döyüşü keçirəcək.
44 yaşlı əfsanənin fikirləri:
“Döyüş fevralın 20-də keçiriləcək. Biz hələ ki rəqib seçməmişik. Ancaq səbirsizliklə həmin günü gözləyir və cəlbedici döyüş alınacağına ümid edirəm”.
Xatırladaq ki, karyerasını 2017-ci ildə bitirən Meyvezerin hesabında 50 qələbə var, 1 məğlubiyyət də yoxdu. Qeyri-rəsmi informasiyaya inansaq, o, irlandiyalı MMA döyüşçüsü Konor Makqreqorla 2017-də keçirilən görüşə görə 275 milyon dollar qazanıb. Həmin döyüş 10-cu raundda amerikalının rəqibi texniki nokauta salması ilə bitmişdi.
