Ruslan Qurbanov Baqanı tanımır - AÇIQLAMA
“Sumqayıt”ı bundan sonra belaruslu Aleksey Baqa çalışdıracaq.
40 yaşlı mütəxəssis ölkəsinin ən titullu məşqçilərindən biri kimi tanınır. O karyerası ərzində BATE və Soliqorsk “Şaxtyoru”nu Belarus çempionu etməklə yanaşı, “Jalqiris”lə Litvada eyni sevinci yaşayıb.
Baqa hələ ki bizə yad sima olsa da, onu fəaliyyətini, iş metodunu yaxından tanıyan soydaşımız var. Cari mövsümdə Belarusda legioner həyatı yaşayan yığmanın sabiq üzvü Ruslan Qurbanov bu mütəxəssisin rəhbərliyi altında oynamasa da, onun çalışdırdığı “Şaxtyor”la üz-üzə gəlib. Görəsən, Qurbanov “kimyaçılar”ın yeni çalışdırıcısı haqda nə düşünür, Azərbaycanda uğur qazanacağına inanırmı? Bu məqsədlə Ruslanı aradıq:
“Baqanı tanımıram. Çünki öz komandama mövsümün sonuna yaxın qoşuldum. Amma yaxşı klublarda çalışıbsa, düşünürəm ki, yaxşı da mütəxəssisdi. Ona yeni komandasında uğurlar arzulayıram”.
SƏNƏM FƏRHADOVA
