Nazirlikdə azarkeşlərlə bağlı nələr müzakirə olunub? - AÇIQLAMA
Azərbaycan Azarkeşlər Birliyinin sədri Atanur Cəfərli bir müddət öncə gənclər və idman naziri Fərid Qayıbovla görüşmüşdü.
Dekabrın 28-də isə nazir müavini Mariana Vasilyeva və idman şöbəsinin müdiri Elnur Məmmədovla görüşüb. Təfərrüatı öyrənmək üçün Cəfərli ilə əlaqə saxladıq:"Buna cənab nazirlə görüşün davamı da demək olar. Bu dəfə nazir muavini Mariana Vasilyeva və idman şöbəsinin müdiri Elnur Məmmədovla görüşümüz baş tutdu. Tək futbol yox, ümumilikdə idmanda azarkeşlərin durumu, Azərbaycan Azarkeşlər Birliyinin fəaliyyəti haqda danışdıq. Nazirliyin bu yöndə təklifləri oldu. Qarşılıqlı diskussiya baş tutdu. Nazirlik bu mövzuda çox istəkli və maraqlıdı. Onlar da istəyir ki, azarkeşlərin sayı artsın, azarkeş mədəniyyətinin formalaşması istiqamətində işlər görülsün. Mənə elə gəlir ki, belə görüşlər çox olacaq".
GÜNAY VƏLİYEVA
