“Barselona” ilə yeni müqavilə mövzusunda razılığa gələ bilməyən Usman Dembele klubunu dəyişməyə hazırlaşır.

“Diario Sport”un məlumatına görə, 24 yaşlı yarımmüdafiəçi “Yuventus”la prinsipial razılığa gəlib. Tərəflərin yayda rəsmi müqavilə imzalaması gözlənilir. Amma Usmanın eyni zamanda PSJ-dən daha sərfəli təklif gözlədiyi də bildirilib. O, artıq “Tottenhem”, “Liverpul”, “Mançester Siti”, “Çelsi”, “Mançester Yunayted” və “Bavariya”nın da maraq dairəsindədi.

Dembelenin 2017-ci ildən formasını daşıdığı “Barselona” ilə müqaviləsinin müddəti mövsümün sonunda başa çatacaq. Bu isə o deməkdi ki, fransalı artıq yanvarda istənilən klubla ilkin müqavilə bağlamaq hüququna malikdi. “Barselona” vaxtilə ona görə Dortmund “Borussiya”sına 105 milyon avro ödəyib. Bu səbəbdən yanvarda Usmanı sərfəli təkliflə çıxış edəcək kluba satmağa və xəzinəsinə pul daxil etməyə hazırdı.