MBA-da sırağagün keçirilən oyunlar Lebron Ceyms və Stefen Karri üçün əlamətdar oldu.

“Leykers”in forvardı Lebron karyerasında 36000 xal həddinə çatdı. 36 yaşlı amerikalı ulduz MBA tarixində bu qədər xal toplayan 3-cü basketbolçudu. İndi o, bombardirlər siyahısında yalnız Kərim Abdul-Cabbarla (38387) Karl Meloundan (36928) geri qalır.

“Qolden Steyt”in oyun qurucusu Karri isə “Denver”lə oyunda 3000-ci üçxallıq atışı reallaşdırmaqla MBA-da bu həddə çatan ilk basketbolçu oldu. 33 yaşlı amerikalı ardıcıl 157-ci oyunda ən azı bir üçxallıq atışla yadda qaldı.

Bu arada “Nyu-York”un müdafiəçisi Kemba Uoker və “Oklahoma-Siti”nin müdafiəçisi Şey Gilces-Aleksander MBA-da ötən həftənin ən yaxşı oyunçuları sayılıb. Gilces-Aleksanderin komandası ötən həftə keçirdiyi 4 oyunun üçündə qalib gəlib. Müdafiəçi hər oyunda orta hesabla 27,5 xal yığıb, 7 ötürmə verib, 6,3 ribaund edib. Uokerin komandası isə 3 oyunun ikisində qalib gəlib. Onun ortalama göstəriciləri 25 xal, 8,3 ötürmə və 9 ribaunddu.