Beynəlxalq İdman Mətbuatı Assosiasiyası (AIPS) ilin yekunları ilə bağlı məlumat yayıb.

Qaliblər AIPS-in üzvü olan 21 ölkənin nümayəndələri arasında keçirilən sorğunun nəticələrinə əsasən müəyyənləşiblər. Dünyada kişilər arasında 2021-ci ilin ən yaxşı idmançısı adına “Bavariya”nın və Polşa yığmasının hücumçusu Robert Levandovski layiq bilinib.

PSJ-nin və Argentina millisinin hücumçusu Lionel Messi Şimali və Cənubi Amerikada ilin ən yaxşı idmançısı seçilib. O, həmçinin dünyada ilin ən yaxşı idmançısı adına namizəd idi, lakin Levandovski ilə pilot Maks Ferstappendən sonra 3-cü yeri tutub.