Beynəlxalq Futbol Tarixi və Statistikası Federasiyası (BFTSF) 2021-ci ilin Afrika zonası üzrə rəmzi komandasını tərtib edib.

"Football-plus.az" saytının məlumatına görə, ən yaxşı “11-lik”də Seneqal yığması daha çox – 4 futbolçu ilə təmsil olunub. İlin rəmzi komandasına aşağıda adları qeyd olunan oyunçular layiq biliniblər: qapıçı - Eduard Mendi (Seneqal, “Çelsi”); müdafiəçilər - Əşrəf Hakimi (Mərakeş, PSJ), Kalidu Kulibali (Seneqal, “Napoli”), Əli Maalul (Tunis, “Əl-Əhli”); yarımmüdafiəçilər - Amadu Haydara (Mali, “Leyptsiq”), İdrissa Geye (Seneqal, PSJ), Frank Kessi (Kot d’İvuar, “Milan”); hücumçular - Riyad Mahrez (Əlcəzair, “Mançester Siti”), Məhəmməd Salah (Misir, “Liverpul”), Sebastyen Halle (Kot d’İvuar, “Ayaks”), Sadio Mane (Seneqal, “Liverpul”).