“Yuventus” – “Napoli” matçı vaxtında baş tutmaya bilər
Hazırda A seriyasında qış fasiləsi olsa da, çempionat bərpa olunandan sonrakı vəziyyət narahatlıq doğurur.
“Yuventus” – “Napoli” matçı vaxtında baş tutmaya bilər. Gələn il yanvarın 6-na təyin olunan oyunun təxirə salınmaq ehtimalı ortaya çıxıb. Bu fikri Neapol Şəhər Səhiyyə Şöbəsinin direktoru Antonio D’Amiko səsləndirib. O, koronavirusa qarşı mübarizədə yeni tədbirlər çərçivəsində “Napoli”nin şəhərdən çıxışına qadağa qoyula biləcəyini istisna etməyib:
“Bəzi oyunçular istirahət üçün ölkələrinə yollanıblar. Onların İtaliyaya dönüşü ilə bağlı problemlər ortaya çıxa bilər. Məsələn, Fabian Ruisin İspaniyadan Neapola asanlıqla qayıdacağını düşünmürəm. Odu ki, vəziyyətə nəzarət etmək vacibdi”.
