Gələn ay Niderlandda futzal üzrə Avropa çempionatı keçiriləcək.

Final mərhələsində iştirak edəcək milli hazırlıq çərçivəsində dekabrın 18-i və 19-da Bakıda Ukrayna ilə yoxlama görüşündə gücünü sınamışdı. Hər iki matç qonaqların qələbəsi ilə yekunlaşmışdı. İlk görüşdə 0:4 yenilən Joze Alesio da Silvanın komandası ikinci qarşılaşmada 1:5 hesabı ilə uduzmuşdu.

Nəticə bir tərəfə, yığmanın ukraynalılarla görüşlərdə bərbad çıxışı, bəzi futzalçıların fiziki cəhətdən çatdırmaması, komandanın taktiki planda zəif təsir bağışlaması qitə çempionatında fiaskoya uğrayacağımızdan xəbər verir. Ukrayna ilə oyunlardan sonra mətbuata açıqlama verən braziliyalı mütəxəssis komandanın çoxdan bir araya gəlmədiyini, fiziki cəhətdən axsadıqlarını və bu üzdən hər iki matçdan məğlub ayrıldıqlarını söyləmişdi. Bəs görəsən, yığmanın kapitanı, təcrübəli Rizvan Fərzəliyev qarşıdakı Avropa çempionatı barədə nə düşünür, yığmanın qrupdan çıxmaq perspektivini necə dəyərləndirir?

Rizvan bizimlə söhbətə Ukrayna ilə matçlardan başladı:

“Təbii ki, qısa toplanışın ardından yığma Ukrayna ilə görüşə tam hazır ola bilməzdi. Məhz bu səbəbdən onlara hər iki oyunda yenildik. Məğlubiyyətlərə baxmayaraq, məqsədimiz Avropa çempionatına hazır yollanmaqdı. Yığma üzvlərinin bəzilərinin başqa ölkələrdə çıxış etdiklərini və komandanın xeyli vaxtdı bir araya gəlmədiyini nəzərə alsaq, qüsurları anlayışla qarşılamalıyıq. Ukrayna bizdən əvvəl bir neçə yoxlama görüşü keçirmişdi. Heyətdə yer alanların əksəriyyəti klubda da bir yerdə oynayır. Düzdü, bizdə də yığmanın bazasını “Araz Naxçıvan”ın futzalçıları təşkil edir. Ancaq Fransa və İspaniyada çıxış edən futzalçılarımız var ki, onlar təxminən 7 aydı komandadan ayrı düşüblər. İnanıram ki, Niderlanda gedənə qədər anlaşma baxımından çatışmazlığı aradan qaldırmağı bacaracağıq”.

Kapitan millinin yer aldığı D qrupunu dəyərləndirdi, İspaniyanın favorit olduğunu söylədi:

“Qrupumuz çox güclüdü. Hər üç rəqiblə ciddi rəqabətimiz olacaq. Qrupun favoritinin İspaniya olduğu heç kimə sirr deyil. Onların səviyyəsi barədə uzun-uzadı danışmağa dəyməz. İspanlar indiyədək 7 dəfə Avropa çempionu olublar, böyük turnir təcrübələri var. Gürcülər ilk dəfə Avropa çempionatının final mərhələsinə vəsiqə qazanıblar. Bu üzdən özlərini yaxşı tərəfdən göstərməyə çalışacaqlar. Bosniya və Hersoqovina qitədə tanınan yığmalardandı. Çox əzmkar, sona qədər oynamağı bacaran kollektivdi. Bunları nəzərə aldıqda hər üç qarşılaşmanın bizim üçün finala bərabər olacağını düşünürəm. Çalışacağıq ən azı qrupdan çıxaq. Buna komandamızın gücü çatar və ümid edirəm ki, ilkin hədəfə çatacağıq”.


Millinin baş məşqçisi Ukrayna ilə matçlardan sonra komandanın 7 aydan sonra bir araya gəldiyini xüsusi vurğulayırdı. Sanki braziliyalı kiməsə nəyisə işarə edirdi. Alesio qəzetimizə açıqlamasında da qitə çempionatı ərəfəsində yoxlama görüşlərinin azlığından, Bakıda qısamüddətli toplanışın lazımi effekt verməməsindən söhbət açmışdı. Bizə çatan məlumata görə, braziliyalı federasiya rəhbərliyinə Niderland səfəri ərəfəsində ən azı 3-4 rəqiblə qarşılaşmaq istədiyini bildirib. Ancaq rəsmilər ona deyiblər ki, səfərə çıxmağa vəsait yoxdu. Ukrayna ilə yoxlama matçı da ona görə baş tutub ki, qarşı tərəf Bakıda oynamağa razılıq verib. Fərzəliyevlə söhbətdə bu məqama da toxunduq. Kapitan əvvəlcə “bu barədə danışmaq istəmirəm, üzürlü sayın” desə də, sonradan fikrini dəyişdi:

“Bu mənə aid məsələ deyil. Mənim işim toplanışda iştirak etmək, oyun zamanı komandama kömək etməkdi. Biz plan üzrə hərəkət edirik. Həm də tam heyətlə hansısa oyunda, toplanışda iştirak edə bilməyəcəyiksə, həmin oyunu və ya toplanışı keçirməyin nə mənası var? Yenə deyirəm, aparacı oyunçularımız ölkə xaricində çıxış edir. Onların şərəfini qoruduğu klubların çempionat oyunları var idi. Baş məşqçi bu amili də nəzərə alıb”.


Sonda onu da bildirək ki, Alesionun komandası yanvarda daha bir yoxlama oyunu keçirəcək. Milli yanvarın 17-də Belçikanın Borxloon şəhərində meydan sahibləri ilə qarşılaşacaq, Avropa çempionatının final mərhələsinin keçiriləcəyi qonşu Niderlanda məhz bu oyundan sonra yollanacaq.

RƏŞAD, "Futbol+" qəzeti üçün

Son xəbərlər

"Olimpiakos"un "Qarabağ"ı məğlub edəcəyinə inanıram" ""Xəzər Lənkəran"ın sabiq futbolçusu

Millimizin oyununu idarə edəcək hakimlər açıqlandı

"Olimpiakos"un yeni transferi "Qarabağ"la oyuna çıxa bilər

Arda Turan üçün vida oyunu keçiriləcək

İngiltərə millisində ayrılıq

"Spartak" 5 illik seriyaya son qoydu

Elxan Abdullayev köməkçisini qovdu - AÇIQLAMA

Gəncə klubunun uğursuz çıxışının iki səbəbi var – AÇIQLAMA

Xaliq Mərdanov oğlunun avtoqoluna münasibət bildirdi - AÇIQLAMA

"Qarabağ"ın rəqibindən növbəti transfer

Rauf Əliyev “Kəpəz-2”də debüt oyununda necə təsir bağışlayıb? - AÇIQLAMA

"Ayağımızı yorğanımıza görə uzadırıq" - Azər Həşimov

Altıntop ayrılmaq əvəzinə yeni planlar qurur

“Beşiktaş”ın baş məşqçisi qapıçılarına güvənir

“Fənər” fanatları derbiyə buraxılmayacaq

Federer getdi, bəs Nadalla Cokoviç?

Adetokunbo Karrini ən güclü sayır

Dünya şahmatında növbəti böyük qalmaqal

AFFA-nın stadion seçimi turnirin statusu və rəqiblərin reytinqinə bağlıdı

Sabah AFFA-da iclas olacaq

Sabiq TFF rəsmisi Kuntsla Altıntopu “yıxıb-sürüdü”!

Montella Türkiyə çempionatını təriflədi

Sprint yarışlarının sayı artırıldı

PFL çempionatı daha maraqlı etmək üçün klublarla görüşür - AÇIQLAMA

Ölkə derbisinin biletləri satışa çıxarılır

"Zirə-2"dən səfər qələbəsi - VİDEO

Beşqat olimpiya çempionu ölkəni tərk etdi

Yunis Hüseynov AFFA İcraiyyə Komitəsinin üzvü ilə razılaşmadı – AÇIQLAMA

Messidən azarkeşə gözəl hədiyyə

Çağlar Söyüncü hansı kluba keçəcək?

Son çempiondan darmadağın - YENİLƏNİB

Sənan Qurbanov: "Olduqca yanlış, qərəzli yanaşmadı”

Muslera ''Qalatasaray''da tarix yazmaqda davam edir

Mahir Məmmədov: “De Byaziyə verdiyimiz maaşı yerli mütəxəssislərə təklif etsək, yığmanın baş məşqçisi olmaq istəməzlər”

“Borussiya” oyunçusuna qiymət qoydu

"Qarabağ"ın təsisçisinin dəyişməsi ilə bağlı yekun qərar

TFF qərarını dəyişdi

Dünya çempionatında iştirak edə bilməyəcək

“Valensiya”da yeni futbolçu

Benzema mükafat bolluğuna düşdü

Fiqu göyün 7-ci qatında futbol oynadı!

Vaqif Sadıqov: “Bəlkə De Byazi burda qalmaq istəmir, hardan bilirsiz?” - AÇIQLAMA

Fanatlar Türkiyə millisinin başında kimi görmək istəyir? - SORĞU

“Çelsi”nin oyunçusu məşqlərə başladı

Sabiq “Qalatasaray”lı BƏƏ-də oynayacaq

Bütün xəbərlər