Peres azarkeşlərə müraciət etdi
Florentino Peres “Real”ın azarkeşlərinə müraciət edib.
İspaniya klubunun prezidenti onları Milad bayramı münasibətilə təbrik edib: “Real” bu xüsusi günlərdə sizə bizim sevgimizi, bağlılığımızı və birlik hissini ifadə edir. Məlum səbəbdən çətin dövr davam edir, belə məqamda sizə, xüsusilə də daha çox ehtiyac duyanlara bütün gücümüzü və dəstəyimizi ötürmək istəyirik. Normal həyatın tezliklə bərpa olunacağına ümid edirik. Bunu hamımız gözləyirik. Birlikdə çox xoşbəxt və uğurlu anlar yaşamaq üçün bu çağırışı qəbul edəcəyimizə əminik. Bütün azarkeşlərin komandamızla fəxr etməsi üçün fəaliyyətlərimizi davam etdirəcəyik. Bu, bizim məqsədimizdi. Yeni titullar qazanmaq istəyirik. Bayramınız mübarək! Qoy, Yeni il bizə sağlamlıq, iş və xoşbəxtlik gətirsin”.
