“Neftçi”nin növbəti transfer hədəfi bəlli olub.

Bu, Azər Əliyevdi. Hazırda Rusiya “Ufa”sının formasını geyən hücumçu artıq şərtlərlə tanış olub. 27 yaşlı forvard təklifi qəbul etsə, onunla “2+1” illik müqavilə bağlanacaq. Paytaxt təmsilçisinin Rusiya klubuna keçid üçün yüksək məbləğ ödəyəcəyi də bildirilir. Keçidlə bağlı klubun mövqeyini öyrənməyə çalışdıq. Rüstəm Allahverdiyev Azərlə maraqlandıqlarını, hətta danışıqlar apardıqlarını qeyd etdi.

Məsələ ilə bağlı redaksiyamıza informasiya daxil olub. Flaqman rəhbərliyi bu keçidin alınmasında problemlə üzləşib. Belə ki, Azər Əliyev Rusiya vətəndaşıdı. Futbolçu “Neftçi”yə keçmək üçün Azərbaycan vətəndaşlığını qəbul etməlidi. Lakin məsələ qısa zamanda həllini tapmayacaq. Çünki AFFA Azərin “milliləşdirilməsi” üçün FIFA-ya müraciət etməlidi. Bu isə vaxt aparan prosesdi. “Neftçi” oyunçunu indi transfer edib, legioner kimi oynatmaqdansa, bir müddət gözləməyi məqbul sayıb.

İLKİN SULTANLI