6-cı Uşaq Paralimpiya İdman Oyunları COVID-19 pandemiyası ilə bağlı yumşalmalar nəzərə alınaraq bu il mərhələli şəkildə 5 idman növü üzrə keçirilib.

Cüdo, pauerliftinq, stolüstü tennis, taekvondo və üzgüçülük idman növləri üzrə müxtəlif kateqoriyalarda 100-dən artıq fiziki məhdudiyyətli uşağın iştirak etdiyi Oyunlarda 21 dəst medal sahibini tapıb.

Qeyd edək ki, Azərbaycan Milli Paralimpiya Komitəsinin nəzdində Uşaq Paralimpiya Komitəsi 2013-cü ildə “Azercell Telekom” MMC və UNICEF-in Azərbaycandakı nümayəndəliyinin dəstəyi ilə yaradılıb. 2015-ci ildən başlayaraq hər il ənənəvi olaraq Uşaq Paralimpiya İdman Oyunları keçirilir.