Namik Ələskərovun "Bursaspor"dan ayrılmaq ehtimalı var? - Meneceri açıqladı
Böyük ümidlərlə "Bursapsor"s transfer olunan Namik Ələskərovun işləri yaxşı getmir.
Azərbaycan millisinin üzvünün komandası TFF 1-ci liqada 17 tura 18 xal toplayaraq turnir cədvəlinin 17-ci pilləsində qərarlaşıb. Buna baxmayaraq 26 yaşlı futbolçu meydana çıxdığı 14 qarşılaşmada 4 qol vurub, 4 ötürmə verib. Hazırda çempionat fasiləyə yollanıb. Düzdü, "Bursaspor"un pley-off vasitəsi ilə superliqaya yüksəlmək şansı var. Amma bu, çətin görsənir. Görəsən, futbolçumuza başqa klublardan təklif var? Azərbaycan millisinin üzvünü qışda komandasını dəyişə bilərmi?
Suallarımızı Namik Ələskərovun meneceri Vaqif Heydərliyə ünvanladıq:
"Çox qısa müddətdi ki, futbolçumuz "Bursaspor"a keçib. Çempionatının əvvəlində yaranan problemlərə görə bir neçə oyun meydanda olmadı. Hazırda bu məsələlər haqda danışmaq üçün çox tezdi. Düzdü, futbolçumuzun işləri qaydasında gedir. Şükür Allaha ki, həm qol vurur, həm də 4 ötürməsi var. Təbii ki, belə hallarda oyunçuya maraq olur. Bizə də ordan-burdan eşidirik ki, Namiklə maraqlanırlar. Amma rəsmi olaraq nə kluba, nə də bizə təklif olmayıb. Yaxın zamanlarda nəsə olsa, ictimaiyyətə açıqlayacağıq".
