“Neftçi” təcrübəli yarımmüdafiəçi ilə danışıqlar aparır – AÇIQLAMA
Qış “transfer pəncərəsi”nin açılmasına qısa müddət qalmış yenə maraqlı xəbərlər yayılmağa başlayıb.
Bunlardan biri də cari mövsümü elə də uğurlu keçirməyən son çempion “Neftçi”ylə bağlıdı.
Deyilənə görə, klub vaxtilə millinin formasını geyinmiş Eddi İsrafilovla razılıq əldə edib. Bu informasiyanı dəqiqləşdirmək üçün "Neftçi"nin Media, Marketinq və İctimaiyyətlə Əlaqələr Departamentinin rəhbəri Rüstəm Allahverdiyevlə əlaqə saxladıq.
O, məsələ haqda “Football-plus.az” saytına bunları dedi: “Eddi maraqlandığımız futbolçuların siyahısındadı. Amma hələ razılığa gələ bilməmişik. Danışıqlar gedir”.
GÜNAY VƏLİYEVA
