"Ümid edirəm ki, qış təlim-məşq toplanışının ilk günlərində bizimlə olacaq" - "Legiya"nın baş məşqçisi
Polşa çempionatında "Legiya" "Radomyak"a 0:3 hesabı ilə məğlub olub.
"Football-plus.az" saytının məlumatına görə, Varşava təmsilçisinin baş məşqçisi Aleksandr Vukoviç mətbuat konfransında iştirak edib. O, Mahir haqda bunları deyib:"Mahir Emreli ilə görüşdüm. Durumu yaxşıdı. Ümid edirəm ki, qış təlim-məşq toplanışının ilk günlərində bizimlə olacaq. Emreli kimi oyunçuya çox ehtiyacımız var. Mənə müqaviləni ləğv etmək istədiyini söyləməyib".
Qeyd edək ki, "Legiya" fanatları "Visla" ilə oyundan sonra "Legiya"nın futbolçularına hücum edib. Nəticədə Mahir Emreli başından xəsarət alıb. O, hadisədən sonra komanda da oyuna və məşqlərə çıxmayıb.
