Dembele bossları niyə qəzəbləndirib?
Usman Dembele “Barselona”nın bosslarını qəzəbləndirib.
Fransalı futbolçu Serxio Aqueronun karyerasını başa vurduğunu bəyan etdiyi mətbuat konfransında görünməyib. Onun komanda yoldaşına laqeyd münasibət bəsləməsi rəhbərliyi özündən çıxarıb.
Yeri gəlmişkən, klubun Dembele ilə bağlı əsas problemi onun yeni təklifi hələ də qəbul etməməsidi. 24 yaşlı Usman bu məsələdə nədənsə tələsmək istəmir. Onun mövcud müqaviləsinin müddəti mövsümün sonunda başa çatacaq. “Barselona”nın direktoru Mateu Alemani danışıqlar prosesi ilə bağlı belə deyib: “Dembele həmişə komandada qalmaq istəyini dilə gətirib. İndi bu baxımdan vacib məqamdı. Biz yeni müqavilə ilə bağlı məsələni ilin sonuna qədər həll etməyi düşünürük”.
