Agenti Eriksenlə bağlı açıqlama verdi
Cümə günü “İnter”lə müqaviləsi qarşılıqlı razılaşma əsasında pozulan Kristian Eriksen karyerasını davam etdirəcək.
Bu yay keçirilən Avropa çempionatının Finlandiya ilə matçında (0:1) ürəktutması keçirən danimarkalı futbolçu yaşıl meydana qayıdacaq. Ürəyinə defibrillyator qoyulan Kristian İtaliya qanunlarına görə bu ölkədə futbol oynaya bilmədiyi üçün başqa liqalarda top qova biləcək. Agenti Martin Şuts onunla bağlı belə açıqlama verib:
[b]
“Kris fiziki cəhətdən yaxşı formadadı və oynaya biləcək. Ona görə çox nikbinəm. Futbol onun ehtirasıdı. Artıq iki klub onun vəziyyəti ilə bağlı mənimlə əlaqə saxlayıb. Bu, bir neçə ay əvvəl olub. Eriksen onda “İnter”in oyunçusu kimi fərdi planda məşq edirdi. Artıq bu kluba bağlı deyil. Onu da deyim ki, İtaliya idmançının defibrillyatorla oynamasına və məşq etməsinə razılıq verməyən yeganə ölkədi”.[
/b]
