Fərid Qayıbov azərkeşlərlə nə haqda danışıb? - AÇIQLAMA
Ötən gün Gənclər və idman naziri Fərid Qayıbov Azərbaycan Azarkeşlər Birliyinin sədri Atanur Cəfərli ilə görüşüb.
"Football-plus.az" saytı olaraq, görüşün mövzusu, təəssüratları və təşəbbüsün kimdən gəldiyini öyrənmək üçün Atanur Cəfərli ilə danışdıq:"Dünən gənclər və idman naziri Fərid Qayıbovla görüşümüz baş tutdu. Təşəbbüs bizim tərəfimizdən oldu. Amma cənab nazir də bizim təklifimizə tez cavab verdi. Sağ olsun bizimlə görüşdü. Yalnız futboldan deyil digər idman növlərindən də danışdıq. Uzun bir görüş oldu. Azarkeş qruplarının fəailləyiti ilə bağlı söhbətimiz oldu. Gələcəkdə tərəfdarların stadionlara cəlb edilməsi üçün nələr etmək olar, azarkeş mədəniyyətinin formalaşması və idmanda kütləviliyin artırılması ilə əlaqədar müzakirələr etdik. Deyə bilərəm ki, bu görüşdən çox xoş təəssüratlarla ayrıldıq. Cənab nazir özü də azarkeş olduğunu, hətta uşaqlıqdan forma və şərflə oyunlara getdiyini bildirdi. Həqiqətən çox sevinirik ki, azarkeşliyi və azarkeşliyin nə demək olduğunu bilən biri bu vəzifəyə təyin edilib".
SƏNƏM FƏRHADOVA
