La liqanın prezidenti Mbappe və Holann haqda nə dedi?
İspaniya la liqasının prezidenti Xavyer Tebas müasir futbolun ən önəmli ulduzlarından olan Kilian Mbappe ilə Erlinq Holannın bu turnirə mümkün gəlişi barədə fikirlərini bölüşüb.
Hər iki oyunçu ilə də ''Real'' ciddi şəkildə maraqlanır. Xatırladaq ki, Mbappenin PSJ ilə müqaviləsi gələn yay başa çatır və o, qarşıdakı qış transfer dönəmindən etibarən istənilən klubla danışıqlar aparmaq hüququna malikdi. Holannın isə Dortmund ''Borussiya''sı ilə 2024-cü ilə qədər sözləşməsi olsa da, 2022-nin yayından sonra müqavilədəki 75 milyon avroluq təzminat maddəsi aktiv olacaq. Tebası dinləyək:
''Mbappenin ''Real''a keçəcəyi ilə bağlı çox söz-söhbətlər var. Hadisələrin axarı məhz buna doğru aparır. Bundan başqa Holannın da yaxın gələcəkdə İspaniya klublarından birinə keçəcəyinə inanır və ümid edirəm. Məncə, şərtlər və qiymətlər qeyri-adi səviyyəyə yüksəlməyəcəyi təqdirdə ''Real'' onların ikisini də transfer edə bilər. Bu keçidlərin çempionatımıza və futbolumuza böyük faydası dəyə bilər. Mbappe və Holannın hansı klubumuza keçəcəyi mənim üçün o qədər də prinsipial əhəmiyyət kəsb etmir. Yetər ki, la liqaya gəlsinlər''.
