Ötən həftə Region Liqasında növbəti turun oyunları keçirilib.

Bəribaşdan qeyd edək ki, yalnız bir regionda - Qərb və Şimal-Qərbdə bütün qarşılaşmalar oynanılıb. Cənub regionunda “Ərkivan” – “Ümid”, Şimalda “Qusar” – “Dirçəliş” və Mərkəzdə “İsmayıllı” – “Mil” görüşləri həftəiçi baş tutacaq.

Qərb və Şimal-Qərb regionunda mərkəzi görüş Yevlaxda keçirilib. “Karvan” qrupun lideri Mingəçevir “Energetik”ini qonaq edib. Çoxlu azarkeşin izlədiyi qarşılaşmadan qonaqlar qalib ayrılıb. “Nur şəhəri”nin komandası meydan sahiblərinin qapısından iki cavabsız top keçirib. Mingəçevirlilərin əsas izləyicisi “Avey” də turu 3 xalla başa vurub. Ağstafalılar Şəki səfərindən üzüağ dönüblər. “Göyəzən” isə mövsümdə ikinci qələbəsini bayram edib. “Qurutlar” Gəncədə eyniadlı komandanı məus etməklə yadda qalıblar.

Mərkəz regionunda bütün diqqətlər “Füzuli” – “Ağsu Siti” matçına yönəlmişdi. Yeri gəlmişkən, qarşılaşma Bakıda baş tutub. Nominal meydan sahiblərinin üstünlüyü şəraitində keçən görüş 5:2 hesabı ilə başa çatıb. Onu da bildirək ki, “Ağsu Siti”nin baş məşqçisi, 3 il komandanın “sükanı arxasında” olan Samir İsayev istefa verib. Gənc çalışdırıcı təzyiqlərə dözmədiyini, ağır şərtlər altında işləməyin çətin olduğunu bildirib.
Turda ən məhsuldar oyun Paytaxt regionunda baş tutub. “Cəbrayıl” “İrəvan”ı meydana çıxmağa peşman edib. Cavid Hüseynovun çalışdırdığı komanda rəqibi 13 dəfə mydanın mərkəzinə dəvət edib. Xatırladaq ki, cəbrayıllılar ilk turda “Davam”ı 21:0 hesabı yenməklə Region Liqasında ən böyükhesablı qələbənin müəllifi kimi adını ölkə futbolunun taixinə yazıb.

Cənub regionunda gerçəkləşən bir görüşdə iddialı “Astara” autsayder “Qobustan” üzərində qələbə qazanıb və hesabına daha 3 xal əlavə edib.
Paytaxt və Şimal zonası
A qrupu
Şirvanovka (Qusar) - Mübariz (Bakı) 6:2
1. Qusar 5 5 0 0 29-2 15
2. Şirvanovka 6 5 0 1 23-8 15
3. Mübariz 5 3 0 2 15-24 9
4. İCBFA 5 1 0 4 9-19 3
5. Dirçəliş 5 0 0 5 5-28 0
Bombardirlər: Tural Cəlilov (Qusar) – 7, Firudin Ağalarov (Qusar) – 6.
B qrupu
Cəbrayıl - İrəvan (Bakı) 13:0
1. Şahdağ 4 4 0 0 18-2 12
2. Cəbrayıl 5 3 1 1 46-5 10
3. İrəvan 5 1 0 4 6-38 3
4. Davam 4 0 1 3 3-28 1
Bombardirlər: Nurxan Həsənov (Cəbrayıl) – 16, Tapdıq Əhmədov (Cəbrayıl) – 11.
Mərkəz regionu
Füzuli - Ağsu Siti 5:2
İmişli - Araz (Saatlı) 2:1
1. Füzuli 7 5 2 0 14-4 17
2. İmişli 7 4 2 1 14-13 14
3. Ağsu Siti 7 2 4 1 22-14 10
4. Saatlı 7 2 2 3 13-15 8
5. Mil 6 0 3 3 9-15 3
6. İsmayıllı 6 0 1 5 4-15 1
Bombardirlər: Rəmzi Eminli (Ağsu Siti) – 7, Cəsur Hüseynov (Füzuli) – 5.
Qərb və Şimal-Qərb region
Karvan (Yevlax) - Energetik (Mingəçevir) 0:2
Şəki - Ağstafa 1:3
Gəncə - Göyəzən (Qazax) 2:3
1. Energetik 6 5 1 0 9-2 16
2.Ağstafa 6 5 0 1 20-6 15
3. Karvan 6 3 1 2 13-11 10
4. Göyəzən 6 2 1 3 14-15 7
5. Qoşqar UGİM-2 (Gəncə) 6 0 4 2 9-13 4
6. Gəncə 6 1 1 4 10-18 4
7. Şəki 6 0 2 4 8-18 2
Bombardirlər: Elgün Namazov (Ağstafa) – 7, İsmayıl İsmayılov (Ağstafa) – 6.
Cənub regionu
Astara - Qobustan 2:1
1. Xan Lənkəran 5 4 1 0 22-4 13
2. Astara 6 4 1 1 11-5 13
3. Ümid 4 1 1 2 4-10 4
4. Ərkivan 5 1 1 3 8-17 4
5. Qobustan 6 1 0 5 5-14 3
Bombardirlər: Röyal Nəcəfov (Xan Lənkəran) – 6, Zaur Nuruzadə (Xan Lənkəran ) – 5.