Ranqnik onu MY-də qalması üçün dilə tutmayacaq
Pol Poqbanın növbəti mövsümə hazırkı klubunda başlayıb-başlamayacağına hələ də aydınlıq gəlməyib.
Fransız yarımmüdafiəçinin müqaviləsinin müddəti gələn yay sona çatacaq. Bu isə o deməkdi ki, yeni anlaşmaya meyilli olmayan Polun mövsümün sonunda komandanı azad agent kimi tərk etmək ehtimalı yüksəkdi. Jurnalistlər bu məsələ ilə bağlı “Mançester Yunayted”in yeni baş məşçisinə sual ünvanlayıblar. Ralf Ranqnik sualı qısa cavablayıb:
“Futbolçunun “Mançester Yunayted” kimi klubda oynamaq istəyi yoxdusa, onu fikrini dəyişməsi üçün dilə tutmaq mənasızdı. Biz fantastik fanatlara malik böyük klubdan danışırıq. Buna görə klubda kiminsə oyunçunu fikrindən döndərmək üçün hansısa cəhdlərə əl atmasını düzgün hesab etmirəm”.
