"Komandamız layiqli qələbə qazandı" - Elmar Baxşıyev
"Düşündüyümüzdən də ağır oyun alındı”.
Bu sözləri “Qəbələ”nin baş məşqçisi Elmar Baxşıyev deyib.
41 yaşlı mütəxəssis Azərbaycan kubokunun 1/8 final mərhələsinin MOİK – “Qəbələ” oyunundan (1:2) sonra mətbuat konfransında fikirlərini açıqlayıb:
“Çalışdıq ki, “Zirə” ilə matçdan sonra heyətdə bir az rotasiya edək və az oynayan futbolçulara şans verək. Düşünürəm ki, ümumi götürəndə 1-ci divizion komandaları ilə fərq hiss olunmur. Oyun da bunu göstərdi. Ümumilikdə komandamız ikinci hissədə daha məzmunlu, daha dinamik çıxış etməyə çalışdı və layiqli qələbə qazandı".
