Polşalılar Mahirə "3" verdilər
"Legiya" futbolçularının Avropa Liqasının qrup mərhələsinin "Spartak"a qarşı keçirdikləri son oyundakı performaslarının qiymətləri bəlli olub.
Polşa mətbuatı Varşava təmsilçisinin oyunçularını çıxışlarına görə dəyərləndirib.
Azərbaycanlı futbolçu Mahir Emreli 3 xalla qiymətləndirilib. Matça əsas heyətdə başlayan forvard 72-ci dəqiqədə Tomaş Pekhartla əvəzlənib.
“Legiya”da ən yüksək xalı müdafiəçi Yuri Ribeyro və qapıçı Artur Boruts alıb. Onların performansı "5" balla qiymətləndirilib.
