İsveçrənin Nyon şəhərində 17 yaşadək qadın futbolçulardan ibarət komandalar arasında 2023-cü il Avropa çempionatının ikinci seçmə mərhələsinin püşkü atılıb.

Reytinqə əsasən B liqasında qərarlaşan Azərbaycan millisi 3-cü qrupda Albaniya, Şotlandiya və Şimali Makedoniya yığmaları ilə A liqasına vəsiqə qazanmaq uğrunda mübarizə aparacaq. Bu qrupun oyunları 2022-ci il 8 - 14 martda Albaniyada keçiriləcək.

Qeyd edək ki, Avropa çempionatının final mərhələsi 2023-ci ildə Bosniya və Herseqovinada təşkil olunacaq.