"Bütün diqqətimizi "Bazel"lə matça yönəltmişik" - Patrik Andrade
Sabah Konfrans Liqasının qrup mərhələsinin son oyunları çərçivəsində “Qarabağ” “Bazel”in qonağı olacaq.
İsveçrdədə baş tutacaq qarşılaşmaya idman ictimaiyyətinin marağı böyükdü. Çünki bu görüşün nəticəsi H qrupunun liderini müəyyən edəcək. Hər iki komandanın hesabında 11 xal var. Bu gün isə oyunöncəsi mətbuat konfransı baş tutub. “Qarabağ”dan jurnalistlətrin önünə ənənəvi olaraq Qurban Qurbanovla yanaşı futbolçu Patrik Andrade də çıxıb. Oyunçu matç haqda fikirlərini bildirib:“Ölkə çempionatındakı son oyundan sonra bütün diqqətimizi “Bazel”lə matça yönəltmişik. Yaxşı hazırlıq keçmişik. Sabahkı qarşılaşmada hər iki tərəfdən yaxşı oyun gözləyirəm. Komandamız bu görüşə tam hazırdı. Təhlillər etmişik. Sabah meydanda yaxşı oyun göstərəcəyik”.
