"Qarabağ"a qarşı xüsusi taktika olmayacaq" - Patrik Rahmen
"Qarabağ" sabah Konfrans Liqasının qrup mərhələsinin sonuncu matçında liderlik uğrunda "Bazel"lə üz-üzə gələcək.
"Football-plus.az" saytının məlumatına görə, bu gün oyunöncəsi mətbuat konfransı baş tutub. Mikrafonlar arxasına keçən ilk tərəf İsveçrə təmsilçisinin baş məşqçisi Patrik Rahmen olub. Təcrübəli mütəxəssis qarşılaşma haqda fikirlərini bildirib:"Hələ ilk oyundan sonra göründü ki, rəqib bizimlə eyni səviyyədədi. Digər qrup matçlarında olduğu kimi bu dəfə də qələbəyə köklənməliyik".
O, bu oyunun qrup liderliyi üçün final adlandırıb: "Heç bir xüsusi taktika olmayacaq. Meydanda öz oyunumuzu göstərmək istəyirik. Final fitindən sonra bütün suallara aydınlıq gələcək".
Rahmen təmsilçimizin taktiki cəhətdən güclü olduğunu da vurğulayıb: "Rəqib sürətli oynamağı sevən, meydanın hər qarışı uğrunda mübarizə aparan və gücünü balanslı şəkildə istifadə etməyi bacaran kollektivdi".
Qeyd edək ki, "Bazel" - "Qarabağ" matçı 9 dekabr 00.00-da start götürəcək. Hər iki komandanın hesabında 11 xal var və pley-offa vəsiqəni təmin ediblər.
