Beynəlxalq Futbol Tarixi və Statistikaları Federasiyası (BFTSF) 2021-ci ilin ən yaxşı gənc futbolçularının siyahısını açıqlayıb.

Siyahıya Pedri başçılıq edir. “Barselona”nın və İspaniya yığmasının yarımmüdafiəçisi 105 bal toplamaqla birinci yeri tutub. Yeri gəlmişkən, Pedri bundan əvvəl “Golden Boy-2021” və “France Football”un ən yaxşı gənc oyunçu üçün mükafatına layiq bilinmişdi.

BFTSF-nin sorğusunda 2-ci və 3-cü yerləri uyğun olaraq “Bavariya”nın yarımmüdafiəçisi Camal Musiala (45) ilə “Barselona”nın müdafiəçisi Erik Qarsiya (20) tutublar. 4-5-ci yerləri isə hərəyə 15 xal toplayan “Mançester Yunayted”in hücumçusu Meyson Qrinvud ilə “Real”ın xavbeki Eduardo Kamavinqa bölüşüblər.