PFL MOİK - “Kəpəz” oyununu niyə canlı yayınlamadı? - AÇIQLAMA
Premyer-liqada olduğu kimi, 1-ci divizionda da çempionluq uğrunda gərgin mübarizə gedir.
Tribunalara toplaşan azarkeş sayından da bu çempionata yetərincə maraq olduğunu görmək mümkündü. İddialıların qarşılaşmalarında isə bu maraq ikiqat artır.
Tur ərzində 4 görüş PFL-in rəsmi saytı vasitəsilə canlı yayınlanır. Lakin diqqətimizi cəlb edən məqam çempionluğa iddialı, turnir cədvəlinin 2-3-cü pillələrində yer alan MOİK-lə “Kəpəz” arasında dünən keçirilən matçın yayınlanmaması oldu. Bunun səbəbini öyrənmək üçün PFL-in Texniki İdman şöbəsinin rəhbəri Elgiz Abbasovla danışdıq:
"Futbol+” qəzetinə 1-ci divizionun oyunlarını diqqətdə saxladığı üçün təşəkkür edirəm. O ki qaldı yayın məsələsinə, adətən, turun 4 oyununu canlı yayınlayırıq. Bu yayının daha çox adama çatması bizim üçün önəmlidi. Adətən, aylıq plan üzrə hərəkət edirik. Budəfəki seçimimiz belə olub və bölgədən bir gündə iki oyunu canlı göstərmişik. MOİK – “Kəpəz” görüşü tərəfimizdən lentə alınıb və icmalı saytımızda yerləşdiriləcək".
SƏNƏM FƏRHADOVA
