Kapitan kubokda oynamayacaq - AÇIQLAMA
Premyer-liqanın 13-cü turunda “Keşlə” doğma meydanda “Səbail”i qəbul edib.
“Football-plus.az” saytının məlumatına görə, meydan sahiblərinin kapitanı İlkin Qırtımov matçın əvvəlində zədələnib və yerini Tural Axundova verib. Komanda şənbə günü Azərbaycan kubokunda “Qaradağ Lökbatan”la qarşılaşacaq. Görəsən, futbolçu bu görüşə qədər sıraya dönəcək?
“Keşlə”nin baş məşqçisi Sənan Qurbanov məsələ ilə bağlı bunları söylədi:
“İlkin həkim müayinəsindən keçib. Ciddi zədəsi yoxdu. Ayağında dartılma var. Amma kubok oyununda risk edib oynatmaq istəmirik”.
GÜNAY VƏLİYEVA
