Almaniya Federativ Respublikası (AFR) yığması ilə DÇ-1954-də çempion olan Horst Ekkel vəfat edib.

O, dekabrın 3-də 89 yaşında dünyasını dəyişib.
Ekkel dünənki günə qədər İsveçrədə keçirilən mundialın həyatda olan sonuncu qalibi idi.

Xatırladaq ki, AFR millisi DÇ-1954-ün finalında Macarıstana 3:2 hesabı ilə qalib gəlmişdi. Horst milli komandada 1952-58-ci illərdə 32 oyun keçirmişdi. Sabiq yarımmüdafiəçi futbolçu həyatı boyunca yalnız iki klubda çıxış edib: 1949-60-cı illərdə şərəfini qoruduğu “Kayzerslautern” ilə iki dəfə (1951, 1953) çempion olub. Karyerasını “Röxlinq Fölklingen”də başa vuran Ekkel bu klubun formasını 1960-66-cı illərdə daşıyıb.