Premyer-liqanın 13-cü turunda “Zirə” səfərdə “Sumqayıt”ı darmadağın etdi.
“Kimyaçılar”ın durumu o qədər də ürəkaçan deyil. Oyundan sonra meydan sahiblərinin ağsaqqal azarkeşlərindən biri Rəhim Sadıxovun qarşısını kəsərək ona etirazını bildirdi. Nə üçün oynamadıqlarını, azarkeşlərin onlardan qələbə gözlədiyini, komandaya güvəndiyini söylədi. Məsələ ilə bağlı Rəhim Sadıxovla əlaqə saxlayıb, ağsaqqalın etirazına reaksiyasını və azarkeşin fikirlərini komanda yoldaşlarına çatdırıb-çatdırmadığını öyrəndik:
“Komandanın uduzması, yaxşı oynamamağımız, uğursuzluq bizə çox təsir edir. Bunu bir azarkeşdən eşitmək daha pisdi. Özümüz də bu durumu dərk edirik. Ümid edirik ki, qısa zamanda toparlanarıq. Kim istəyər ki, məğlub olsun? Bu vəziyyət hamımızı narahat edir”.
