“Qarabağ”a qarşı final matçımız var" - "Bazel"in prezidenti
Konfrans Liqasının qrup mərhələsinin son turunda "Qarabağ" səfərdə "Bazel"in qonağı olacaq.
"Football-plus.az" saytının məlumatına görə, İsveçrə təmsilçisinin prezidenti Reto Baumqartner yerli mətbuata açıqlama verib. O, komandasının son oyunları barədə danışıb:"Çempionat və avrokubokdakı hazırkı vəziyyəti bizim üçün uğurlu hesab etmək olar. Bu ay keçirəcəyimiz 5 matçın hamısı finala bərabərdi. Rahmen klubdakı hamı kimi çox iddialıdı. Düşünürəm ki, düzgün yoldayıq. Ancaq mükəmməl demək üçün mütləq kubok qazanmalıyıq. İlin sonunadək çempionatda dörd, UEFA Konfrans Liqasında isə “Qarabağ”a qarşı final matçımız var. Həmin görüşlərdə də uğurlu nəticə qazanmaq niyyətindəyik".
Qeyd edək ki, “Bazel” – “Qarabağ” oyunu dekabrın 9-da, saat 00.00 baş tutacaq.
