FİFA “Puşkaş” mükafatına namizədlərin siyahısını açıqlayıb.

2021-ci ildə rəsmi oyunlarda vurulan ən baxımlı qolun müəllifi üçün nəzərdə tutulan mükafata həm kişi, həm də qadın futbolçular iddia edirlər. Bu nominasiyanın qalibi FİFA-nın saytında keçirilən səsvermə nəticəsində müəyyənləşəcək. Arzu edənlər sorğuda iştirak edə bilərlər. Qalibin adı isə gələn il yanvarın 17-də təşkil olunacaq “The Best” mükafatlandırma mərasimində açıqlanacaq.

Nominatlar sırasına daxil edilən il ərzində vurulan ən baxımlı qolların müəlliflərini nəzərinizə çatdırırıq: Luis Dias (Kolumbiya, “Portu”), Qotye En (“Valansyen”, Fransa), Erik Lamela (Argentina, “Tottenhem”), Valentino Lazaro (Avstriya, “Benfika”), Riyad Mahrez (Əlcəzair, “Mançester Siti”), Sandra Ovusu-Anea (Qana, “Spartak” Subotitsa), Vangelis Pavlidis (Yunanıstan, “Alkmaar”), Daniela Sançes (Meksika, “Keretaro”), Patrik Şik (Çexiya, “Bayer-04”), Mehdi Taremi (İran, “Portu”), Kerolayn Ueyr (Şotlandiya, “Mançester Siti”).