Region Liqasında 5-ci turun görüşləri baş tutub.

Çox maraqlıdı ki, ilk oyun günündə keçirilən matçlarda qalib müəyyənləşməyib. "Cəbrayıl"ın öz meydanında "Davam"la heç-heçə etməsi gözlənilməz olub. Xatırladaq ki, bu komandaların ilk dövrədəki duelində Cavid Hüseynovun çalışdırdığı “Cəbrayıl” rəqib qapısından 21 cavabız top keçirmişdi. Mərkəz zonasının lideri “Füzuli” isə “doğma “divarlar” arasında “İmişli”nin müqaviımətini qıra bilməyib. Görüş qolsuz başa çatıb. Şənbə gününün ən məhsuldar oyunu Beyləqanda olub. Yerli “Mil” Araz”ı 3 dəfə meydanın mərkəzinə dəvət etsə də, Saatlı təmsilçisi sondək mübarizə apararaq, səfərdən 1 xalla dönməyi bacarıb.

Bazar günü keçirilən oyunlara gəlincə, “Ağsu Siti” ardıcıl heç-heçələrdən sonra, nəhayət, bu tur “İsmayıllı”nı səfərdə yenməklə azarkeşlərinə qələbə sevinci yaşadıb. Cənub regionunda “Ümid” səfərdə “Qubustan”ı minimal hesabla üstələyibsə, “Xan Lənkəran”ın uğurlu seriyası davam edir. Lənkəranlılar bu dəfə öz meydanında “Ərkivan”ı məyus edib. “Energetik” də hesabat turunu uğurla başa vuranlar arasındadı. “Nur şəhəri”nin komandası Gəncədə eyniadlı kollektivi üstələyib. “Ağstafa” da “Nizami yurdu”na səfərdən üzüağ dönüb. Ağstafalılar “Qoşqar”dan üstün olublar. “Karvan”ın Şəkidə xal itirməsi də diqqəti çəkən məqamlardandı. Kənan Kərimovun çalışdırdığı komanda qrupun atsayderi ilə “sülh bağlayıb”. Paytaxt və Şimal regionunda keçirilən görüşlərdə “Şirvanovka” İCBFA-nı, “Mübariz” isə “Dirçəliş”ı yenərək hesabına 3 xal yazdırıb. “İrəvan” – “Şahdağ” görüşü bu gün keçiriləcək və bu üzdən B qrupunda həmin oyunun nəticəsi nəzərə alınmayıb.

Mərkəz regionu
Füzuli – İmişli 0:0
Mil (Beyləqan) – Araz (Saatlı) 3:3
İsmayıllı – Ağsu Siti 1:5
1. Füzuli 5 3 2 0 8-2 11
2. Ağsu Siti 5 2 3 0 18-7 9
3. İmişli 5 2 2 1 10-11 8
4. Araz 5 2 1 2 10-11 7
5. Mil 5 0 3 2 8-13 3
6. İsmayıllı 5 0 1 4 4-14 1
Bombardirlər: Rəmzi Eminli (Ağsu Siti) – 7, Cəsur Hüseynov ( Füzuli), Bayram Əliyev (Araz), Aqşin Paşayev (Ağsu Siti) - 4.
Cənub regionu
Qobustan – Ümid (Cəlilabad) 0:1
Xan Lənkəran – Ərkivan (Masallı) 9:2

1. Xan Lənkəran 4 4 0 0 22-4 12
2. Astara 4 3 0 1 9-4 9
3. Ərkivan 4 1 1 2 7-15 4
4. Ümid 4 1 1 2 4-10 4
5. Qobustan 4 0 0 4 2-11 0
Bombardir: Röyal Nəcəfov (Xan Lənkəran) – 5
Şimal-Qərb və Qərb regionu
Gəncə - Energetik (Mingəçevir) 1:2
Qoşqar UGİM-2 (Gəncə) – Ağstafa 2:5
Şəki – Karvan (Yevlax) 2:2
1. Karvan 5 3 1 1 13-9 10
2. Enegetik 4 3 1 0 5-2 10
3. Ağstafa 4 3 0 1 7-9 9
4. Gəncə 4 1 1 2 7-9 4
5. Göyəzən 4 1 0 3 9-11 3
6. Qoşqar UGİM-2 5 0 3 2 7-11 3
7. Şəki 4 0 2 2 7-13 2

Bombardirlər: Arzuman Vəliyev (Göyəzən) – 5, İsmayıl İsmayılov ( Ağstafa) – 4.
Paytaxt və Şimal regionu
A qrupu
İCBFA – Şirvanovka 1:4
Dirçəliş – Mübariz 4:6
1. Qusar 4 4 0 0 25-1 12
2. Şirvanovka 4 3 0 1 14-6 9
3. Mübariz 4 2 0 2 13-18 6
4. İCBFA 4 1 0 3 8-15 3
5. Dirçəliş 4 0 0 4 5-25 0
Bombardirlər: Firudin Ağalarov (Qusar) – 6, Şıxmirzə Mikayılov, Tural Cəlilov ( hər iksi “Qusar”) – 5.
B qrupu
Cəbrayıl – Davam 1:1
1. Şahdağ 3 3 0 0 13-1 9
2. Cəbrayıl 4 2 1 1 33-5 7
3. İrəvan 3 1 0 2 5-20 3
4. Davam 4 0 1 3 3-28 1
Bombardirlər: Nurxan Həsənov (Cəbrayıl – 12, Ramil Orucov (Şahdağ), Tapdıq Əhmədov (Cəbrayıl – 7.