Karyerasında “Qızıl top”a 7-ci dəfə sahib çıxan Lionel Messi bir etirafı ilə diqqəti cəlb edib.
Bu göstəricidə rekordçu olan PSJ-nin argentinalı hücumçusu Parisdə təşkil edilən mükafatlandırma mərasimində növbəti uğurunu belə şərh edib:
“Yenidən burda olmaq heyrətamizdi. İki il əvvəl nə olacağını bilmirdim. Yenə burdayam. Çox xoşbəxtəm. Mən həqiqətən də yeni hədəflər üçün mübarizəni davam etdirmək istəyirəm. Karyeramın sonuna neçə il qalıb, bilmirəm, amma buna çox ümid edirəm, çünki futbolu sevirəm. “Barselona”, PSJ və Argentina yığmasındakı komanda yoldaşlarıma təşəkkür edirəm. Həqiqətən həyata keçirmək istədiyim xəyalımı gerçəkləşdirdim. Bu mükafat Amerika Kubokunda etdiklərimizə görə indi mənim əlimdədi. Mənim üçün çox xüsusi gecədi”.
Lionel “France Football” həftəliyinin sorğusunda 2-ci yeri tutan Robert Levandovskinn haqqını etiraf etməyi də lazım bilib:
“Robert, sən “Qızıl top”a layiqsən. Ötən il hamı sənin bu mükafatı qazanmağa layiq oldğunu düşünürdü (Fransa nəşri 2020-ci ildə koronavirus pandemiyasına görə sorğu keçirməmişdi – red.)”.
