İspaniya çempionatında 13-cü turun oyunları keçirilib.

"Football-plus.az" saytının məlumatına görə, "Barselona" "Vilyareal"la qarşılaşıb - 3:1. Kataloniya təmsilçisinin baş məşqçisi Xavi Ernandeslə “Vilyarreal”ın çalışdırıcısı Unay Emeri arasında qalmaqal yaşanıb. Oyundan sonra Unay Emeri hakim idarəçiliyi haqda kəskin şəkildə narazılığını bildirib. O, tribunaların altındakı otaqda əsəbi halda Xavi ilə də mübahisə edib. Münaqişənin genişlənməsinə polis imka verməyib. Daha sonra Emeri həmkarına tərəf yaxınlaşıb və onlar əl sıxıblar.