Ronaldo məşhur müğənninin xahişini yerə salmadı
Kriştiano Ronaldo Pinkin xahişi ilə xeyriyyə aksiyasında iştirak edib.
Amerikalı məşhur müğənni ulduz futbolçuya “tvitter” sosial şəbəkəsi vasitəsilə belə müraciət edib: “Salam Kriştiano! Mən bu il bir neçə uşağın Milad bayramı tədbiri üçün sponsorluq edirəm. Onlar sənin futbolkalarından başqa heç nə istəmirlər. Uşaqları istəyinə çatdırmaqda qərarlıyam. Mənə bir neçə futbolka göndərmək və onların həyatını dəyişmək istəməzdiniz? Sizin daim təqdirəlayiq işlər gördüyünüzü bilirəm, amma...”
Portuqaliyalı futbolçu Pinkin xahişini yerə salmayıb. Ona sosial şəbəkə vasitəsilə belə cavab yazıb:
“Salam Pink! Mən sənə kömək etdiyim üçün şadam. Heç bir problem yoxdu, uşaqlar üçün bir neçə imzalı futbolkamı göndərirəm”.
