Beynəlxalq Futbol Tarixi və Statistikaları Federasiyası (BFTSF) 2021-ci il üçün ilk siyahısını açıqlayıb.

Robert Levandovski 2021-ci ilin ən yaxşı futbolçusu seçilib. “Bavariya”nın və Polşa yığmasının hücumçusu 150 xalla birinci olub. Lionel Messi 105 xalla 2-ci, Jorjinyo isə 40 xalla 3-cü yeri tutub. BFTSF-nin versiyasına əsasən, Kriştiano Ronaldonun 7-ci yerə layiq bilinməsi diqqətdən yayınmır. Sona çatmaqda olan ilin ən yaxşı 10 futbolçusunun siyahısını nəzərinizə çatdırırıq.

1. Robert Levandovski (Polşa, “Bavariya”) - 150
2. Lionel Messi (Argentina, “Barselona”/PSJ) - 105
3. Jorjinyo (İtaliya, “Çelsi”) - 40
4. Kevin De Bruyne (Belçika, “Mançester Siti”) - 35
5-6. Məhəmməd Salah (Misir, “Liverpul”) - 20
5-6. Kilian Mbappe (Fransa, PSJ) - 20
7. Kriştiano Ronaldo (Portuqaliya, “Yuventus”/“Mançester Yunayted”) - 15
8-9. Nqolo Kante (Fransa, “Çelsi”) - 10
8-9. Canluici Donnarumma (İtaliya, “Milan”/PSJ) - 10
10. Erlinq Holann (Norveç, “Borussiya” Dortmund) - 5