İspaniyada növbəti məşqçi istefası zərurətə çevrilib.

“Elçe” rəhbərliyi baş məşqçi Fransisko Eskriba ilə yolları ayırıb. La Liqanın son oyununda “Betis”ə məğlubiyyət (0:3) 56 yaşlı mütəxəssisin aqibətini müəyyən edib. Ardıcıl 6-cı matçda qalib gələ bilməyən komanda 14 turdan sonra 11 xalla 18-ci yeri tutur.
Eskriba “Elçe”yə karyerasında ikinci dəfə bu ilin fevralında təyinat almışdı. Onun müqaviləsinin müddəti gələn ilin yayına qədər idi. Qeyd edək ki, təcrübəli mütəxəssis “Elçe”ni 2012-15-ci illərdə də çalışdırmışdı.