FİFA “The Best” mükafatına namizədlərin siyahısını açıqlayıb.

Ali futbol təşkilatının saytında 2021-ci ildə ən yaxşı kişi və qadın futbolçu, həmçinin ən yaxşı kişi və qadın məşqçi adına iddia edənlərin kimliyinə aydınlıq gətirilib. 22 noyabr-10 dekabr aralığında milli komandaların baş məşqçiləri, kapitanları və media təmsilçiləri arasında aparılacaq səsvermənin yekunlarına əsasən ən yaxşı oyunçu, ən yaxşı baş məşqçi, ən yaxşı qapıçı, “Fair Play”, ən baxımlı qol üçün Puşkaş mükafatı, azarkeşlər üçün mükafatın sahibləri və ilin rəmzi komandası müəyyənləşəcək. Fərdi mükafatlar həm kişi, həm də qadın futbolunun təmsilçilərinə veriləcək. Mükafatlandırma mərasimi 2022-ci il yanvarın 17-də onlayn formatda təşkil ediləcək. Nominantların siyahılarını diqqtinizə çatdırırıq.

Ən yaxşı kişi futbolçu adına namizədlər: Kilian Mbappe (Fransa, PSJ), Lionel Messi (Argentina, PSJ), Neymar (Braziliya, PSJ), Kərim Benzema (Fransa, “Real”), Kevin De Bruyne (Belçika, “Mançester Siti”), Kriştiano Ronaldo (Portuqaliya, “Mançester Yunayted”), Jorjinyo (İtaliya, “Çelsi”), Nqolo Kante (Fransa, “Çelsi”), Məhəmməd Salah (Misir, “Liverpul”), Erlinq Holann (Norveç, “Borussiya” Dortmund), Robert Levandovski (Polşa, “Bavariya”).

Ən yaxşı qadın futbolçu adına namizədlər: Stina Blakstenius (İsveç, “Hekken”), Aytana Bonmati (İspaniya, “Barselona”), Lüsi Bronz (İngiltərə, “Mançester Siti”), Maqdalena Eriksson (İsveç, “Çelsi”), Karolina Hansen (Norveç, “Barselona”), Pernille Harder (Danimarka, “Çelsi”), Cennifer Ermoso (İspaniya, “Barselona”), Çi So Yun (Koreya, “Çelsi”), Samanta Kerr (Avstraliya, “Çelsi”), Vivianne Midema (Niderland, “Arsenal”), Aleksiya Putelyas (İspaniya, “Barselona”), Kristina Sinkleyr (Kanada, “Portlend Torns”), Ellen Uayt (İngiltərə, “Mançester Siti”).

Ən yaxşı kişi baş məşqçi adına namizədlər: Antonio Konte (İtaliya, “İnter”/“Tottenhem”), Hans-Diter Flik (Almaniya, “Bavariya”/Almaniya yığması), Xosep Qvardiola (İspaniya, “Mançester Siti”), Roberto Mançini (İtaliya, İtaliya yığması), Lionel Skaloni (Argentina, Argentina yığması), Dieqo Simeone (Argentina, “Atletiko”), Tomas Tuxel (Almaniya, “Çelsi”).

Ən yaxşı qadın baş məşqçi adına namizədlər: Lüis Kortes (İspaniya, “Barselona”), Peter Gerhardsson (İsveç, İsveç yığması), Emma Heyz (İngiltərə, “Çelsi”), Beverli Pristman (İngiltərə, Kanada yığması), Sarina Viqman (Niderland, Niderland yığması/İngiltərə yığması).