“Əvvəlcə onu qeyd edim ki, bizim üçün Ağdama gedib oynamaq şərəfdi. Uzun illər idi arzulayırdıq ki, torpaqlarımız işğaldan azad olsun. Azərbaycan ordusu möhtəşəm şücaət göstərərək bunu bacardı. Məsələdən bizim də xəbərimiz var ki, Ağdamda stadion tikilir. Düzdü, biz bu işlərin içində deyilik. Dövlət tərəfindən orda hər şey inşa və bərpa olunur. Cənab Prezident İlham Əliyevin Ağdamda xüsusi nümayəndəliyi açılıb. Onlar orda öz işlərini görürlər Biz də azdan-çoxdan bu haqda məlumatlıyıq. Stadionun tikintisi başlayanda bizim də spesifik fikirlərimizi öyrənəcəklər. Yəni arenada nələrin olması, infrastaruktrun necə qurulması barədə bizdən soruşacaqlar. Amma bildiyim qədər hələ bu planın həyata keçirilməsinə başlanılmayıb. Hələ yerin ayrılması mərhələsidi. Amma stadionun tutumunun 15 və ya 30 min olacağı haqda xəbərim yoxdu”.

“Gəlin, hələ köç haqda konkret nəsə söyləməyək. Orda əvvəlcə infrastruktur qurulmalıdı. Bir arenanın hazır olması üçün ən yaxşı halda iki il vaxt lazımdı. İki il, futbol dili ilə desək, 2 mövsüm deməkdi. Ağdamda hələ ki stadionla bağlı hansısa işlərə başlanılmayıb. Təkcə arenanın tikilməsi ilə işlər həll olunmur. Orda gərək ən azı yaşayış olsun. Heç olmasa, qonaq komandanı qəbul etmək üçün otel istifadəyə verilsin. Şəhərin infrastrukturu hazır olmalıdı. Stadion hazır olanda bizə nə desələr, onu da edəcəyik”.