Polad Həşimovun bir yox, iki oğlu “Qarabağ”dadı! -RƏSMİ AÇIQLAMA
Azərbaycanın Milli Qəhrəmanı, şəhid general-mayor Polad Həşimovun oğlu Davud “Qarabağ"da məşqə başlayıb.
Son günlər sosial şəbəkələrdə geniş yayılan bu xəbəri dəqiqləşdirmək üçün klubun mətbuat xidmətinin rəhbəri Gündüz Abbaszadə ilə əlaqə saxladıq: “Polad Həşimovun oğlu "Qarabağ"ın aşağı yaş qruplarında çoxdan məşq edir. Yeni deyil, artıq bir neçə aydı bizimlədi. Hətta Davud Həşimov komandaya gələndə Qurban Qurbanov onunla şəxsən görüşmüşdü. Sadəcə, biz bu tipli məlumatları reklam etməyin, gündəmə gətirməyin tərəfdarı olmadığımızdan indiyə qədər açıqlama verməmişik. Polad Həşimovun hər iki oğlu bizim aşağı yaş qruplarındadı. Çox perspektivli uşaqlardı. Başda Polad Həşimov olmaqla bütün şəhidlərimizə övladları bizim üçün dəyərlidi, əzizdi, doğmadı. Hər birinin gözümüz üstündə yeri var. Buna heç kimin şübhəsi olmasın”.
Abbaszadə sonda sözlərinə bunu da əlavə etdi: "Kimin futbola marağı varsa, maraqdan əlavə istedadı və perspektivi varsa, həmişə kömək etməyə hazırıq. Qapılarımız belələrinin üzünə açıqdı".
GÜNAY VƏLİYEVA
