“Omoniya” “Qarabağ”a müraciət edib - RƏSMİ AÇIQLAMA
Konfrans Liqasının 5-ci turunda “Qarabağ” doğma meydanda “Omoniya”nı qəbul edəcək.
Bildiyiniz kimi? ağdamlılar növbəti mərhələ problemini həll edib. Buna baxmayaraq, qrupdan birinci çıxmağı hədəfləyən komandanın oyunu yerli azarkeşlər tərəfindən xüsusi maraqla gözlənilir.
Görəsən, Cənubi Kipr təmsilçisinin azarkeşləri Bakıya gələcək? “Qarabağ”ın mətbuat xidmətinin rəhbəri Gündüz Abbaszadənin saytımıza dedikləri:“Qaydalara görə, rəqib komanda üçün bilet ayrılmalıdı. Biz də onlara xüsusi sektor ayırmışıq. Sadəcə, gəlib-gəlməyəcəkləri bəlli deyil. Amma “Omoniya” 30 azarkeşin gələcəyi ilə bağlı bizə müraciət edib. Pandemiya ilə əlaqədar onlarda ölkəyə giriş-çıxış bir az fərqlidi. Ona görə hələ dəqiq deyil. Bu məsələ son gündə bəlli olacaq”.
GÜNAY VƏLİYEVA
