Konfrans Liqasının 5-ci turunda "Qarabağ" doğma meydanda "Omoniya"nı qəbul edəcək.
"Football-plus.az" saytının məlumatına görə, Cənubi Kipr təmsilçisi bu görüşdə əsas heyət üzvlərinin xidmətindən yararlanmayacaq. Bu haqda yerli mətbuatda xəbər yayılıb. Baş məşqçi Henninq Berqin turnirdə iddiaları qalmadığı üçün fərqli heyətə güvənəcəyi bildirilir. Mütəxəssis əsas futbolçuları daxili çempionatda oynatmağı düşünür.
Qeyd edək ki, noyabrın 25-də Tofiq Bəhramov adına Respublika stadionunda keçiriləcək "Qarabağ" - "Omoniya" görüşü saat 21.45-də başlayacaq.