“Goal.com” ənənəvi sorğusunun nəticələrini açıqlayıb.

Populyar idman saytının bu dəfə oxucuları arasında keçirdiyi sorğuda Lionel Messi qalib gəlib.

Rəy sorğusunda 14 milyondan artıq futbolsevər iştirak edib. PSJ-nin hücumçusu daha çox səs toplamaqla 2021-ci ilin ən yaxşı futbolçusu seçilib. “Mançester Yunayted”in və Portuqliya millisinin hücumçusu Kriştiano Ronaldo 2-ci, “Bavariya”nın polşalı hücumçusu Robert Levandovski isə 3-cü yeri tutub. Qeyd edək ki, portal bu il oxucularına iki oyunçudan birinə üstünlük verməyi təklif edib. Nəticədə Messi Ronaldo ilə rəqabətdə onu yalnız 24 səs qabaqlayaraq sonda səslərin 50,1 faizini qazanıb. Lionel Levandovski ilə rəqabətdə də önə keçib: argentinalı polşalı həmkarını səslərin 53,3 faizini toplamaqla arxada soyub. Ümumi nəticədə Messi 1-ci yeri tutub.

“Goal.com”un sorğusunda 4-10-cu yerləri bu futbolçular tutublar: Məhəmməd Salah (“Liverpul”, Misir), Kilian Mbappe (PSJ, Fransa), Erlinq Holann (“Borussiya” D, Norveç), Kərim Benzema (“Real”, Fransa), Nqolo Kante (“Çelsi”, Fransa), Kevin De Bruyne (“Mançester Siti”, Belçika), Neymar (PSJ, Braziliya).